النحيـــف:
وينك فيه يا التفخ سمعت انك متنكر وموقف في الشارع والعالم يدورن حواليك يحسبونك دوار
الدبااا:
لا يا جنط أنا اللي سمعت انك متنكر وخاش مكتبه وقاعد على أساس انك قلم رصاص
النحيـــف:
أبحلف بالله ..أنت وجسمك انك لو تنسدح على جنبك الأيسر وترفع يدك اليمنى صرت كنك حرف
الدبااا:
قوووووويه هاههاهاهاهاه لكن شكلك نسيت يوم تمرض وتروح الدكتور وقال نبي نسوى لك أشعه x قال مايحتاج وخذك وحطك على نجفه وشاف وش اللي فيك
النحيـــف:
يارجال من شفتك لين جيت تركب السيارة دهنت جوانبك بفازلين علشان تزرق في السيارة وأنا غاسل يدي منك
الدبااا:
إيه ولين ركبت جنبي قمت اعشق فيك أحسبك القير من نحفك
النحيف:
أقول أها بس أهااا عنبوك من سمنتك صار الواحد يشوف خدودك وهو واقف ورآك صايره خدودك كنها مخابي كوت فيها فصفص
الدبااا:
اقول الحين متميلح نفسك أنت وعصاقيلك اجل تبيني اصير مثلك لين جاء هواء طقو اهلك في ثوبك مسمار في الارض يخافون عليك تطير
النحيـــف:
تدري كل ماشفتك ياالتفخ تذكرت رجال كفرات ميشلان اللي في الدعايه
الدبااا:
تصدق بالله لو نشبك في يديك اسياخ صرت كنك حارس فرفيره
النحيـــف:
مسكين والله لو افصخك ثوبك وفنيلتك واجلسك على الارض جوك التايلنديين يعبدونك يحسبونك بوذا
الدبااا:
ماشفت نفسك وانت واقف ترى رجليك ساق بدون ركبه
النحيـــف:
اقول سمعت إن اهلك يروشونك في الحوش بمكانس من كبرك
الدبااا:
انا سامع انك تتروش في المغسله
النحيـــف:
انا سمعت إنهم صوروك يبون يطلعون لك جواز وحطو صورتك وكتبو تحتها
تتبع في الصفحة الأخرى
الدبااا:
إن سمعت إنهم صوروك 4 في 6 طلعت كلك
النحيـــف:
انا سمعت انك إذا بغيت تركض تدربا أسرع لك .
الدبااا:
اقول رح بس ورآك أنت وخدودك كنها مضارب تنس ارضي .
النحيـــف:
ههههههههه ضحكتني أنت وخدودك كنها دف طقاقه .
الدبااا:
اقول شف شكلك كنك ريال بيد بزر .
النحيـــف:
شف سنونك كنها طلاب ثالثه جيم واقفين عند مقصف .
الدبااا:
عاد من زين سنونك كنها ضغاطات مسجل صناعه صينيه
بواسطة -- K L A S H
الرئيسية 
أحدث الصور 
الجمعة يونيو 27, 2008 7:09 pm
