غرائب الشعر،،،اقروا واضحكوا...

الاخ هذا الظاهر انه بنشري:

قلبي قبل فرقاك ما ينقص الزيت **** واليوم أزيده في كل مشوار علبه

شوفوا الوصف البليغ للحب:

الحب قطع قلوب البعارين****حتى الحمير السود يلعن جدفها

هذا البيت أنا أجيز الشاعر فقد عبر عن حبه بصوره شعريه رائعه:

يا ليتني في جيبك ريال مقطوع****يبقى معك ما يقبله اي دكان

وهذا الشاعر متأثر بشعر الحداثة وممكن تعتبروه احمد شوقي العصر الحديث:

ان لم تكن في كل الامور ذا عزيمة****فما عندك اليوم ماعند جدتي

وهذا الشاعر يبدوا من كلامه انه نذل شوفوا وش يقول:

اضيق لي شفتك مع الناس مرتاح ****وارتاح لا ضاقت عليك الوسيعه

حتى الموضه والملابس ممكن يستفاد منها كصورة شعرية:

شريت لي ثوبٍ على شان لقياك **** والثوب راحت موضته ما لبسته

وهذا الشاعر ممكن انه يتميز بصور شعرية شابة

أحزن على فرقاك مثل الوراعين**** لآ مروا الدكان وأسرع أبوهم

وهذا شاعر تلخبطت عليه الامور ومزج الماضي والحاضر وضاع المسكين:

هات الذلول وهات قوطي سفن اب**** نغزي ديار القوم وناكل جلكسي

تسمعون باللي ينقاله مشغول فاضي هذا هو شاعرنا:

يامال فرقا العين كان ادفنوني ****وفارقت أنا الدنيا وانا عندي اشغال

وهذا شاعر يمتاز بثقته بنفسه في كل شي :

قالت أحبك قلت ماهي غريبه **** سيارتي كشخه وانا حيل مزيون

الاخ هذا اكيد انه كهربائي متمكن :

أنا رفيقك لا ضرب كهربك شوط **** أفزع بسكروبي وأفك الضفيرة

وهذا الشاعر احس انه ما ينمزح معاه لانه يصدق ويتعامل مع الموقف بصدق:

كان الوعد مابيننا حذفة احجار **** ومن كثر شوقي له حذفت وفلقته

والشاعر هذا اثرت عليه احداث التفحيط يوم كان شباب :

حبك حشرني حشرت القير بثنين **** الضغط سته والتواير مصاليخ

تحياتي

اخوي عاشق حنون

مشكور على الموضوع

سلمت يمينك

لك مودتي